बिर्तामोड /दलित समुदायको अधिकार नयाँ संविधानमा सुनिश्चित गर्न राष्ट्रिय दलित आयोगका पूर्व सदस्य टेकबहादुर शाशंकरले आग्रह गरेका छन् । संयुक्त दलित संघर्ष समितिले शनिबार बिर्तामोडमा गरेको खबरदारी सभालाई सम्वोधन गदै पूर्व सदस्य शाशंकरले दलितहरुको अधिकारलाई अब बन्ने संविधान सुनिश्चि गर्दै लिपीबद्ध गर्न माग गरेका छन् ।
सो सभाका अर्का बक्ता नेपाली कांग्रेस निकट दलित संघ झापाका सभापति गजेन्द्र नेपालीले आफ्नो अधिकार सुनिश्चित गर्नका लागि सम्पूर्ण दलितहरु एक भएर आन्दालन गर्नुको विकल्प नभएको बताए । समितिका संयोजक सोमनाथ पोर्तेलको अध्यक्षतामा भएको सो खबरदार्री सभामा एमाले निकट अखिल नेपाल महिला संघ जिल्ला अध्यक्ष जसमाया गजमेरले संविधानको मस्यौदाबाट दलितका मुदाहरु राजनीतिक दलहरुले मेट्ने काम गरेको भन्दै उनीहरुको बिरुद्ध आन्दोलन गर्ने बेला आएको बताईन् । नेपाल उत्पीडित जातीय मुक्ति समाज झापा अध्यक्ष भोला परियार, दलित मुक्ति मोर्चाका हुकुमबहादुर नेपालीलगायतले दलितहरुको अधिकारको कटौतीको बिरोध गर्दै नयाँ संविधानमा आफ्ना अधिकारहरुको सम्बोधन नभएसम्म आन्दोलन निरन्तर गरिरहने ऐक्यवद्धता जनाएका छन् ।