दमक/ पूर्वका आदिवासी धिमाल समुदायहरूले झापा,मोरङ र सुनसरी जिल्लालाई धिमाल स्वायत्त दिनु पर्ने माग राखेको छ । यी तीन

विहीवार झापाको दमकमा पत्रकार सम्मेलन गरि केन्द्रले आफना धारणा सार्वजनिक गरेको हो । केन्द्रका अध्यक्ष तथा संबिधानसभाका पूर्व सदस्य नगेन्द्र धिमालले थातथलो खुलेका अल्पसंख्यक आदिवासीहरूको पहिचान खुल्ने गरी अव वन्ने संघीयतामा स्वायत्त क्षेत्रहरू निर्माण गर्न माग राखेका थिए  । उनले भने ‘ऐतिहासिक पृष्ठभूमि तथा पहिचानका आधारले संघीयतामा जादाँ मात्र मुलुक वलियो हुन्छ ।’ उनले हालै मुख्य चार दलले सार्वजनिक गरेका सिमांकन सहितको ६ प्रदेशको मस्यौदा पहिचान र अधिकारका निम्ती नै घातक भएको टिप्पणी गरे । ‘यो आफैमा लङडो छ, नामांकन विनाको संघीताको मस्यौदा अविलम्ब सच्चाउन माग गर्छो’ अध्यक्ष धिमालको भनाई थियो । उनले पूर्वका नौ जिल्ला लिम्बुवान–कोच जे बनाए पनि त्यस भित्र धिमाल अट्न सक्ने प्रष्टयाए । तर उनले पहिचान विनाको प्रदेश बनाए,
त्यस विरुद्ध जाइलाग्ने चेतावनी समेत  दिए । केन्द्रले आफना माग सम्बोधन गर्न दवाव दिने उद्देश्यले पूर्वी मोरङको उर्लाबारी देखि झापाको दमक सम्म यही भाद्र ५ मार्चपास आन्दोलन समेत गरिने तय भएको बताएको छ ।  मार्चपासमा करिव दश हजारका हाराहारीमा धिमालहरू उतार्ने केन्द्रका महासचिव केदार धिमालले बताए ।