दमक/ मावा खोलामा आएको बाढीले बगाएर मंगलवार साँझदेखि वेपत्ता भएका दमक–१९ का एक युवाको अवस्था हालसम्म पत्तो लाग्न सकेको छैन ।
दमक–१७ र १९ मा पर्ने मावा खोलामा आएको बाढीले खोला तर्ने क्रममा बगाउदाँ दमक–१९ का ३८ कृष्णबहादुर खड्काको अवस्था अहिलेसम्म पत्तोलाग्न सकेको छैन । मोरङको राजघाटबाट साथी रामबहादुर धिमालसंगै घर फर्कदै गरेका द्वयलाई खोलाले बगाएको इलाका प्रहरी कार्यालयले जनाएको छ । तर धिमाल भने पौडेर बाहिर निस्कन बाँच्न सफल भएका थिए । प्रहरीले वेपत्ताको खोजी कार्य तीव्र बनाएको प्रहरी निरीक्षक भिमराज सिलवालले बताए ।