बेनु चुडाल

बहत्तर साल भाद्र ७ सोमबारको दिनमा
कैलालीको टिकापुरमा झडप एकै छिनमा ।
थारुहट मधेशदल प्राप्त माग्दै थिए
स्थानीय प्रशासनले निषेध आज्ञा दिए ।
आठ हजार कार्यकर्ता प्रहरीलाई घेरा
निषेध आज्ञा तोड्दै पसे प्रहरीको घेरा ।
छुरा, भाला, बञ्जरो र लाठीको त्यो वर्षा,
प्रहरी चाँहि ढल्न थाले अरु माने हर्ष ।
धेरै जना प्रहरीले कुटाई, कटाइ खाए,
पेट्रोल त्यही छर्किएर ज्युँदै आगो लाए ।

एसएसपी ती न्यौपाने र अरु ६ लाई मारे
बीच राति प्रहरीलाई इन्द्रजालमा पारे ।
प्रहरी हुन् देशकै रक्षक शत्रु, जस्तै ठाने
बञ्चरो र भाला प्रहार खोजी–खोजी हाने ।
मकैबारी भित्र लुक्या दुई जना पुलिस
खोज्दै त्यहाँ पुगि हाले चढाई हाले सुलिस ।
२ वर्षको बालकलाई गोली हानी मारे
बुबा आमा परिवारलाई कत्ति पिर पारे ।
६२ र ६३ मा आन्दोलन भयो
आन्दोलनको उद्देश्य चाँहि आज कता गयो ।

सद्भाव देशमा कायम थियो, मेलमिलाप थियो
नेताहरुको कुबुद्धीले अर्कै रुप लियो ।
जातजातिलाई राज्य बाँढ्ने कसले आदेश दियो ?
धार्मिक युद्ध गराउन कसले ठेक्का लियो ?
समस्या यहाँ जसले ल्यायो समाधान गर
विदेशका नेताहरुको नपर्नु है भर ।
कैलालीका हत्यारालाई कार्बाही गर्नुपर्छ
संविधान छिटो बनाउन अशान्त यो टर्छ ।
दमक–१३, झापा