लखनपुर/ लखनपुर–५ स्थित इन्द्रेणी बहुउद्देश्यीय सहकारी संस्थाले आफनो वार्षिक प्रतिबेदन सार्वजनिक गरेको छ ।
बुधबार एक कार्यक्रम गरि संस्थाको १९ औ बार्षिक साधारणसभामा प्रस्तुत गरिने बार्षिक प्रतिवेदन सार्वजनिक गरिएको हो । संस्थाका अध्यक्ष भीमप्रसाद लामिछाने र कार्यक्रमका प्रमुख अतिथि लखनपुर गाविकका सचिव राजकुमार शाक्यले एकै साथ प्रतिवेदन सार्वजनिक गरेका थिए । सो प्रतिवेदन सार्वजनिक गर्र्दै सचिव शाक्यले सहकारीको प्रत्येक वर्षको नीति र कार्यक्रमा उल्लेख गर्ने सामाजिक कार्यहरू गाविससंगको समन्वय र सहकार्यमा गर्न सके अझ प्रभावकारी हुने बताए ।
यसैगरी सहकारीका अध्यक्ष लामिछानेले सबै शेयर सदस्यहरूको मर्म र भावना अनुसारको बार्षिक प्रतिवेदन तयार भएको बताउँदै सहकारीले आउँदा दिनहरूमा अझ प्रभावकारी कार्यहरू अगाडी बढाउँदै लैजाने बताए । संस्थाका व्यबस्थापक खगेन्द्र प्रसाद भण्डारीले सञ्चालन गरेको कार्यक्रममा पत्रकार मञ्च दमकका अध्यक्ष विष्णु पोख्रेलले समेत बोलका थिए । कार्यक्रममा संस्थाका लेखा संयोजक हरिप्रसाद पौडेल, सल्लाहकार समिति संयोजक बेणुप्रसाद शिवाकोटीको समेत उपस्थिति रहेको थियो ।