मोरङको उर्लाबारीका फोटो पत्रकार विवेक हिङमाङले पहिलो पटक म्यूजिक भिडियो निर्देशन गरेका छन् । एक दर्जन म्यूजिक भिडियो खिचिसकेका हिङमाङले पहिलो पटक गायक मनोजराज शिवाकोटीको प्रवासी मन एल्बममा समावेश ‘आफ्नै सम्झेँ, दिलमा राखेँ...’ बोलको गीतबाट निर्देशनमा डेब्यू गरेका हुन् । भिडियो पूर्वका विभिन्न रमणीय स्थलमा छायाँकन गरिएको छ ।
भिडियो निक विष्टले खिचेका हुन् । गीतमा शब्द मणिराज बस्नेत र संगीत बालाद राईको रहेको छ । गीतको भिडियोमा स्मीता राई, सुवास संकल्प, रोशन घिमिरे र कुसुम ओझाले अभिनय गरेका छन् । मेपअप सोम मंग्रातीले गरेका छन् । भिडियो भदौ अन्तिम साताभित्र सार्वजनिक गर्ने निर्देशक हिङमाङले बताएका छन् ।