पथरी/ मोरङको पथरी–शनिश्चरेस्थित कंचनजंघा नाट्य समूहले आफ्नो हाँस्य टेलिश्रृंखला ‘दोबाटे’ का कलाकारहरूद्वारा बालअधिकार सम्बन्धी नाटक ‘प्लेन ड्राइभर’ प्रदर्शन गराउने भएको छ ।
लुथरन विश्व फेडेरेशनको सहयोगमा भूटानी शरणार्थी र स्थानीयबीचको संस्था सामाजिक सञ्जाल मोरङले आज सोमबार बिहान ११ बजे पथरी चोकमा प्रदर्शन गर्ने नाटकमा दोबाटेका कलाकारको प्रस्तुति रहने भएको हो ।
रक्सी खाने बहानामा दलालको भरमा परेर आफ्ना बालबालिका कठोर श्रमका लागि बेचिने गरेको कुरालाई नाटकमा उतारिएको समूहका सल्लाहकार एवम् कलाकार भूपेन्द्र तिम्सिनाले जनाए । नाटकमा, तिम्सिनाका साथै अभय पोखरेल, कमला घिमिरे नेपाल, भीष्म न्यौपाने, हरेन्द्र खत्री र पंकज सापकोटाको अभिनय रहने छ ।