बिर्तामोड/ उच्च शिक्षा अध्ययन गर्न भारतको बैंगलोर जान चाहने नेपाली विद्यार्थीहरुले अब एयरलायन्स एण्ड एयरपोर्ट म्यानेजमेण्ट सम्बन्धी कोर्ष पनि अध्ययन गर्न पाउने भएका छन् ।

झापाको बिर्तामोडस्थित क्याम्ब्रिज इन्स्टिच्यूट अफ टेक्नोलोजीले भारत बैंगलोरको हिन्दुस्तान एभिएसन एकाडेमीसँग विद्यार्थी अध्ययन गर्न पठाउने सम्झौता गरेपछि यहाँका विद्यार्थीहरुले पनि यस्तो कोर्ष अध्ययन गर्ने अवसर पाएका हुन् । क्याम्ब्रिज इन्स्टिच्यूट अफ टेक्नोलोजीका संस्थापक शिशिर सिंखडाले प्लस टू उत्तीर्ण गरी हवाई क्षेत्रमा आफ्नो करियर बनाउन चाहने नेपाली विद्यार्थीहरुलाई भारतको बैंगलोरस्थित हिन्दुस्तान एभिएसन एकाडेमीले छात्रबृत्तिसहित भर्ना लिइने जानकारी दिए ।
उनले एजुकेसन, आर्टस्, कमर्स संकायमा प्लस टू गरेका नेपाली विद्यार्थीहरुले एयरपोर्ट र एयरलायन्स सम्बन्धी बीबीए वीथ एभिएसन, बीकम वीथ एभिएसन, बीसीए वीथ एभिएसन, एमबीए वीथ एभिएसन, पाइलट ट्रेनिङ, एयर होस्टेज ट्रेनिङ लगायतका विषय पढ्न सक्ने बताए ।
त्यस्तै साइन्स संकायमा प्लस टू गरेका विद्यार्थीहरुले एरोनिटिकल इञ्जिनियरिङ, एरोस्पेस इञ्जिनियरिङ, एयर क्र्याफ्ट मेन्टिनेन्स इञ्जिनियरिङ, अटो मोबाइल इञ्जिनियरिङ, इन्फरमेसन साइन्स एण्ड टेक्नोलोजी लगायतका विषय पढ्न सक्ने कलेजकी एरोस्पेश इञ्जिनियर लिजिक लागाले बताइन् । उक्त विषय अध्ययन पश्चात नेपाली विद्यार्थीहरुले एयर होस्टेज, एयरपोर्ट अपरेशन, एयर ट्राफिक कन्ट्रोल ¥याम्प अपरेसन, टिकटिङ, कार्गो एण्ड ग्राउण्ड हेण्डलिङ लगायतका काममा रोजगार प्राप्त गर्न सक्ने बताइएको छ । उक्त विषयमा अध्ययन गरेका नेपाली विद्यार्थीहरुले इन्टरनेशनल एयर ट्रान्स्पोर्ट एशोसिएशन (आयटा) र बैंगलोर युनिभर्सिटीले प्रदान गर्ने अन्तर्राष्ट्रिय स्तरको प्रमाणपत्र प्राप्त गर्ने र उक्त प्रमाणपत्रले राष्ट्रिय तथा अन्तर्राष्ट्रियस्तरका विश्व बजारमा मान्यता पाउने कलेजका चेयरमेन केसी सेम्युलले बताए । उक्त कलेजमा झापाको बिर्तामोडस्थित क्याम्ब्रिज इन्स्टिच्यूट अफ टेक्नोलोजीले गत वर्षदेखि नै विद्यार्थी पठाउँदै आएको बताइएको छ ।
गत वर्ष २५ जना विद्यार्थी पठाएको बताउँदै क्याम्ब्रिजका संस्थापक शिशिर सिंखडाले यस शैक्षिक सत्रको लागि फर्म खुल्ला भएको र नेपाली विद्यार्थीहरुले आगामी माघ महिनासम्म उक्त कलेजमा फर्म भर्न सक्ने बताए ।