चेतन डर

जीवन जस्तै जीवनहरू
भलाकुसारी गर्छन्, मृत्यु लाई नै मृत्यु दण्ड दिन
हिजो जस्तो आज लाग्छ, आज जस्तो हिजो
त्यसै पनि,
दिन जस्तै दिनहरूले मज्जा लिन्छन् जीवनसँग
फुर्सद उपनाम पाएका कलेख
आफुलाई बेरोजगारको सरकार ठान्छ
आफनो स्वतन्त्रको मुद्दा अघि सार्छ
क्षमताको व्यवस्थापन गर्ने,
युवा जस्तै युवाहरूको मृत्यु दण्डको घोषण हुन्छ ।
हान माननीयहरूको देशमा
पुनः समाचारले एकै साथ आन्दोलन सुरु गर्छ
जहाँ, सुन्ने कान
हेर्ने आँखा
कैद गर्ने मष्तिस्क
प्रतिसोध जिब्रो
अन्तरमुखी मन
मात्र स्तब्ध रहेर सोक मान्छन्
गर्भणी संविधानको मृत मसौद प्रति
मन जस्तै मनहरू आतंक भएर
अर्थ नरहेर अर्थहरू बुझिएन
ब्यार्थ जस्तै व्यार्थहरू को संरचना
अक्षर जस्तै अक्षरहरूको अस्तित्व
पूर्व भूगोलका किपोहरूले
ताम्रापत्रमा सघीयको दस्तावेज लेख्न थालेपछि ।
आत्मा हत्या गर्ने,
झुन्डिएको डोरी नजिक पुगेको
पहिचान जस्तै पहिचानहरू
अन्तरिम संविधानको चिहान भित्र
६०१ जीवनहरूको अवशेष
सार्क जस्ता सार्कहरू को खरबौ.खर्चले
बालुवाटारमा प्रदर्शन गरिरहेछ ।
फोटो जस्तै फोटोहरू
काङसोरे जस्तै काङसोरेहरूको आँखामा कैद हुनेछ ।
कविता जस्तै कविताहरू
कवि जस्तै कविहरू
क्यामरा जस्तै क्यामराहरू को सांघुरो फ्रेममा
वादका मृत्यु नजिक पुगेका जीवनहरू
भन्छन्, ......
म जस्तो हुन सिक
म संग भएको गुण तिमीमा छैन् ।
तिमी संग भएको गुण म संग छैन् ।
मान्छे जस्तै मान्छेहरू को फरक स्वभाव
मान्छे बन्ने उल्टो पिरामिडको युनिभर्सिटिमा
अन्योल भएका छन्
कद र पद रहेका एक–एक जीवनहरू ।
–इलाम