सुरुङा/ अखिल नेपाल महिला संघ कनकाई नगर कमिटीले तीज विशेष कार्यक्रम सम्पन्न गरेको छ । मंगलबार जामुनखाडी सिमसार पर्यटकीय क्षेत्रमा आयोजित कार्यक्रममा जेष्ठ नागरिक महिलाहरुलाई सम्मान गरिएको छ ।
सम्मानीत हुनेहरुमा नैनकला पोखरेल, चन्द्रमाया बराल, जानुका बराल, कृष्णकुमारी पौडेल, जीवमाया प्रसाई, पिंगलादेवी अधिकारी, देवीमाया सार्की, राममाया भारती, कृष्णमाया खवास रहेका छन् । संघका नगर कमिटी अध्यक्ष मञ्जु प्रसाईको अध्यक्षता तथा जिल्ला कमिटि सदस्य शोभा भण्डारीको प्रमुख आतिथ्य रहेको कार्यक्रममा नेकपा एमाले मेची अञ्चल कमिटीका निवर्तमान सचिव हीरा थापा, कोशी अञ्चल इञ्चार्ज रामचन्द्र थपलिया जिल्ला कमिटी सदस्य जनार्दन उप्रेती नगर कमिटी अध्यक्ष कोमल पन्त, युवा संघ नेपाल कनकाई नगर कमिटी अध्यक्ष दीनानाथ खतिवडा, जामुनखाडी सिमसार पर्यटकीय क्षेत्रको अध्यक्ष परशुराम गिरी, अन्तरपार्टी महिला सञ्जाल कनकाई नगर अध्यक्ष सीता बस्नेतलगायतले मन्तव्य राखेका थिए ।
संघकी कोषाध्यक्ष मीरा भट्टराईले औचित्यमाथि प्रकाश पारेको कार्यक्रममा नगरका ५ सय बढी महिलाहरुको सहभागिता रहेको थियो । कार्यक्रममा परम्परागत लोकभाकाहरु मारुनी नृत्य, संगिनी नृत्यलगायतको प्रस्तुति गरिएको थियो ।