भद्रपुर/क्षमताभन्दा अढाइ गुणा बढी कैदीबन्दी रहेका कारण झापाको जिल्ला कारागारमा रहेका कैदीबन्दीको दैनिकी कष्टकर बन्दै गएको छ ।
क्षमता भन्दा बढी कैदी रहेकाले यहाँ बस्दै आएका कैदीले समस्या झेल्दै आउनुपरेको छ । विभिन्न मुद्दामा हाल ८ सय २६ जना कैदी कारागारमा रहेको कारागार प्रशासनले जनाएको छ ।
वि.सं २०१९ मा निर्माण भएको यो कारागारमा ३०० कैदी अट्ने क्षमता रहे पनि जनसंख्या र अपराध बढ्ने क्रमले कारागारमा कैदीको चाप बढेको कारागार प्रमुख दीपेन्द्र खत्रीले जानकारी दिए । कारागारमा महिला ७४ र बालिका चार तथा एक बालक पनि छन् ।
आमासँगै रहेका यी बालबालिकालाई सुधार गृहमा राख्नु पर्ने भए पनि यसतर्फ कसैको ध्यान नजानुले कारागारमा रहेका नाबालकको मनस्थितिमा नराम्रो असर पर्ने देखिन्छ । कैदीका अत्याधिक चाप रहेकाले कारागारमा शौचालय र राति सुत्न कठिनाइ हुने कैदीहरुले गुनासो गरेका छन् । उनीहरुले सरकारले दिनको  ४५ दिने सिधामा र दसँैमा दिने जनही ३०० रुपैयाँले हाम्रो जीवन अभाव अभावमै बितिरहेकाले यसतर्फ सरकारको ध्यान जानुपर्ने बताउँछन् ।
पुरानो भवन जीर्ण बन्दै गएको कैदीलाई सुरक्षित बनाउन सरकारले समयमै आवश्यक कदम चाल्नुपर्ने कारागार प्रशासनको भनाई छ ।