झापा पोष्ट दैनिक
दमक/ झापाको दमकमा आउदो मंसीर दोश्रो साता देखि पूर्वाञ्चलस्तरिय कृषि,व्यापार तथा पर्यटन महोत्सव–२०७२ सञ्चालन हुने भएको छ । पूर्वको कृषि, पर्यटन, प्रवद्र्धनमा जोड दिने उद्देश्यले मंसीर १७ गते देखि २६ गतेसम्म दश दिने महोत्सव सञ्चालन हुने भएको हो ।

 सोमबार स्थानीय राजनीतिक दल, उद्यमी, व्यवसायी तथा विभिन्न संघसंस्थाहरु सहितको यहाँ आयोजित सर्वपक्षीय भेलामा दमक उद्योग वाणिज्य संघले महोत्सव तयारी व्यवस्थापनको बारेमा सो जनाएको हो । संघका अध्यक्ष प्रकाश प्रसाईले पूर्वको आन्तरिक पर्यटन, प्रवद्र्धन तथा कृषि क्षेत्रको विकासमा टेवा पु¥याँउन महोत्सव आयोजना गर्न लागिएको जनाए ।
संघले यसअघि २०६२,२०६५ र २०६६ सालमा सोही प्रकृतिको महोत्सव सञ्चालन भएको थियो । ती मध्ये पछिल्लो महोत्सवबाट संघले करिव ६ लाख रुपैयाँ बचत गर्न सफल भएको थियो । संघका अध्यक्ष प्रसाईले यस वर्ष पनि महोत्सव पूर्ण रुपमा सफल बनाउन आवश्यक तयारी थालिएको र यसबाट करिब १० लाख बचत गर्ने लक्ष्य लिएको बताए ।
दमक–१२ स्थित पशुहाट क्षेत्रमा लाग्ने सो महोत्सवमा एक सय बढी विभिन्न व्यापारिक स्टल रहनुका साथै करिब ५ करोड रुपैयाँ बढीको कारोवार हुने संघले जनाएको छ । महोत्सव सफल बनाउन संघको संयोजनमा विभिन्न उद्यमी, व्यवसायी लगायतको सहभागीतामा एक मूल व्यवस्थापन समिति समेत गठन गरिएको जनाईएको छ । नेपाल पर्यटन बोर्डको सहयोगमा महोत्सव गर्न लागिएको संघका प्रथम उपाध्यक्ष गोकुल श्रेष्ठले जानकारी दिए  ।
छलफल कार्यक्रममा एमाले दमक अध्यक्ष अम्बिका खनाल, कांग्रेस नगर सभापति ढुण्डीराज भण्डारी, ग्याँस व्यवसायी संघका जिल्ला अध्यक्ष टेकबहादुर थापा, निर्माण व्यवसायी संघ झापाका सदस्य चन्द्र खत्रीलगायतले महोत्सव परिणामुखी सफल बनाउन विभिन्न सुझाव राखेका थिए ।

विभिन्न मागहरु राखेर देशभरि भईरहेका बन्द, हड्तालको आन्दोलनले निजी क्षेत्रसंगै सर्वसाधारणहरु आजीत भएको भन्दै दमकका उद्यमी, व्यवसायीहरुले बन्द, हड्ताल रोक्न माग गरेका छन् । दमक उद्योग वाणिज्य संघले सोमबार एक अपिल जारी गरेर बन्द,हड्ताल जस्ता आन्दोलनका कारण समग्र जनजीवन नै प्रताडित हुनुपरेकाले यस्ता बन्द, हड्ताल लगायतका आन्दोलनको विकल्प खोज्न सम्वद्ध पक्षसंग आग्रह गरेको छ । संघले आन्दोलनमा उठाएका मागहरु तत्काल वार्ताबाट नै सम्बोधन गर्न राज्यले अगुवाई गर्न समेत जोड दिएको उल्लेख छ । संघका अध्यक्ष प्रकाश प्रसाईद्धारा हस्ताक्षारित अपिलमा भनिएको छ ,–‘ लामो समयदेखि पूर्वसहित देशका विभिन्न क्षेत्रमा भएका बन्द,हड्तालको प्रभावले समग्र जनजीवन नै तहसनहस भएकाले यस्ता आन्दोलनलाई सधैका लागि बन्द गरिनुपर्छ ।’
यसैवीच, आज नै एमाले निकट अखिल नेपाल महिला संघले दमकमा सद्भाव ¥याली निकाल्ने भएको छ । हरितालिका पर्वका अवसर पारेर संघले यहाँ सद्भाव ¥याली निकाल्न लागेको संघकी जिल्ला कमिटी सदस्य दुर्गा काफलेले वताईन् ।

दमकको महोत्सव भव्य रुपमा सम्पन्न गर्न एक मूल व्यवस्थापन समितिसहित आधा दर्जन अन्य उपसमितिहरु गठन गरिएको छ ।
संघका पूर्व अध्यक्ष घनेन्द्रराज योङयाको संयोजकत्वमा संघका पदाधिकारी, सदस्य, विभिन्न सामाजिक संघसंस्था लगायतको सहभागीता रहने गरि एक मूल व्यवस्थापन समिति गठन गरिएको छ भने मूल समितिलाई सघाउ पु¥याँउन विभिन्न उपसमितिहरु गठन गरिएको छ । दमक नगरपालिकाका संयोजकत्वमा सल्लाह तथा अनुगमन, योङ्याको संयोजकत्वमा एक स्टेरिङ कमिटी गठन गरिएको छ । स्टेरिङ कमिटीको सदस्यहरुमा संघका अध्यक्ष प्रकाश प्रसाई लगायत ७ सदस्यीय छ । त्यस्तै,संघका द्वितीय उपाध्यक्ष गोपाल गुरागाईको प्रचार, सदस्य ताराप्रसाद अधिकारीको संयोजकत्वमा स्टल निर्माण, यशोदा भट्टराईको संयोजकत्वमा नगर सजावट, गोकुल श्रेष्ठको संयोजकत्मा सांस्कृतिक
कार्यक्रम उपसमिति गठन गरिएको जनाईएको छ । यसैगरि, बवरजङ थापाको संयोजकत्वमा सुरक्षा, बिमल खतिवडाको संयोजकत्वमा स्वमसेवक, महेन्द्र खड्काको संयोजकत्वमा खानेपानी व्यवस्थापन, घनश्याम खनालको संयोजकत्वमा अतिथी सत्कार,प्रकाश अधिकारीको संयोजकत्वमा स्वास्थ्य,पशुपति बरालको संयोजकत्वमा गेट व्यवस्थापन, राजकुमार लाम्गादेको संयोजकत्वमा मायाको चिनो व्यवस्थापन, मुकुन्द उप्रेतीको संयोजकत्वमा आर्थिक व्यवस्थापन र सरस्वती सुब्बाको संयोजकत्वमा विद्युत व्यवस्थापन उपसमिति गठन गरिएको संघका कार्यालय सचिव निरज विष्टले बताए ।