दमक/ महिलाहरुको अगुवाईमा मंगलबार यहाँ वृहद् सद्भाव र्याली निकालिएको छ । अखिल नेपाल महिला संघ झापा क्षेत्र नम्बर ७ र दमक नगर कमिटीको संयुक्त आयोजनामा यहाँ सद्भाव र्यालीको आयोजना गरिएको हो । दमकस्थित गणतन्त्र चौकबाट शुरु भएको र्यालीले हिमाल पहाड तराई कोहि छैन पराई भन्ने नारा प्रर्दशन गरि दमकको विभिन्न क्षेत्र परिक्रममा गरेको थियो । परिक्रमा पछि भएको कोणसभामा सहभागीहरुले समयमै संबिधान जारी गरि मुलुकको संक्रमण अन्त्य गर्न माग गरेका थिए । उनीहरुले बन्द, हड्ताललाई सधैका लागी बन्द गरि देशको समृद्ध विकासमा एक जुट हुनुपर्ने उल्लेख गरेका थिए ।
कोणसभामा अखिल नेपाल महिला संघकी केन्द्रीय सदस्य मेनुका काफले, नेकपा एमाले जिल्ला सदस्य निर्मला शिवाकोटी, अखिल नेपाल महिला संघ नगर सदस्य सुशिला अधिकारी लगायतले बोलेकी थिईन् । बषौदेखि समाजमा चल्दै आएका सामाजिक सदभाव र भाइचारालाई अझ बढि प्रगाढ बनाउने उद्देश्यले कार्यक्रमको आयोजना गरिएको अखिल नेपाल महिला संघ झापा क्षेत्र नम्बर ७ की संयोजक विष्णु खड्काले जानकारी दिइन् । सो अवसरमा तीज विशेष सांगीतिक कार्यक्रम समेत गरिएको संघकी  नगर अध्यक्ष यामुना पोख्रेलले जानकारी दिइन् ।