सुरुङ्गा÷झापाको मध्य भागबाट बग्ने कनकाई माईको पूर्वी भागमा वर्षाको समयमा पुर्याउने सम्भावित क्षतिलाई न्यूनिकरण गर्न तटबन्धन गरिने भएको छ ।
कनकाई नगरपालिकाको आर्थिक सहयोगमा तटबन्धन निर्माण कार्य गर्न हिरा थापा संयोजक रहेको निर्माण समिति गठन गरिएको छ । शनिबार गठित समितिको सदस्यहरूमा रमेश श्रेष्ठ, लक्ष्मी गुरुङ्ग, पूण्य शिवाकोटी, भिष्म मैनाली, खेम कार्की, हाङवीर राई, धनबहादुर तामाङ, कनकाई खड्ग राजवंशी, शेषलाल राजवंशी, खतरसिंह राजवंशी, हिम्मत नेम्वाङ, चन्द्र बहादुर बस्नेत, युवराज संग्रौला, खेम शिवाकोटी, प्रविण तिम्सिना, छवि थपलिया, त्रिलोचन चिमरिया, कुमार माझी, महेन्द्र कठेत, यमनाथ सेढाईं, राम घिमिरे, र गौतम मण्डल रहेका छन् । तटबन्धन निर्माण कार्य आज सोमबारबाट थालिने भएको छ । समितिले हाललाई कनकाई नदीको दक्षिणपट्टिको करिब ५ मिटर क्षेत्रमा तटबन्धन गर्ने संयोजक थापाले बताए ।