अघिसम्मकी ‘मोडल रक्षा श्रेष्ठ’ अहिले ‘भद्रगोलकी रक्षा’ को नामले परिचित छन् । विगत डेढ वर्षदेखि हाँस्य टेलिशृंखला भद्रगोलमा आबद्ध भएपछि उनको परिचय फेरिएको हो । परिचय मात्र फेरिएको छैन, उनको चर्चा पनि चुलिएको छ । हुन त भद्रगोलमा आउनुअघि उनले दुई दजनभन्दा बढी विज्ञापनमा मोडलिङ गरिसकेका थिइन् भने केही म्युजिक भिडियो मा र र्याम मोडलिङमा पनि उनको जादु चलेको थियो । अहिले उनी ठूलो पर्दाका चलचित्रमा पनि अभियन गर्न थालेकी छन् ।

 ......................................................................

भद्रगोलमा कसरी इन्ट्री मारियो ?
भद्रगोल टिमले नियमित रुपमा काम गर्ने महिला कलाकारको खोजी गरिरहेको रहेछ । त्यसबीच सिटी सेन्टरमा भएको एउटा कार्यक्रममा प्रस्ताव आयो, कन्सेप्ट राम्रो लाग्यो र इन्ट्री मारियो ।

सन्तुष्ट हुनुहुन्छ ?
सुरुमा त अप्ठेरो लाग्यो । सोच्दै नसोचिएको काम थालियो कि भन्ने लाग्यो । तर मेरो निर्णय सही छ भन्ने मनमा विश्वास थियो । आज त्यही भद्रगोलको भूमिकाले मलाई चिनायो ।

मोडलिङबाट भन्दा भद्रगोलबाट बढी चिनाएको मान्नुहुन्छ ?
मान्छु । भद्रगोललाई युवा जमातदेखि गाउँ शहरका सबैले रुचाउनुभएको छ । त्यसैले मलाई ‘रक्षा’ भनेर पनि भद्रगोलले नै बढी चिनायो ।

भद्रगोल लोकप्रिय हुनुको कारण ?
धेरै थेगो बोलिने भएकोले र ग्रामीण भेगमा हुने सत्य घटनामा आधारित भएकाले होला ।

मोडलिङमा रमाउने एउटी आधुनिक केटी टिपिकल गाउँले भूमिकामा देखिन गाह्रो भएन ?
कलाकारले सबै खालको भूमिका गनुपर्छ । त्यसैले त्यस्तो गाह्रो भएन । सुरु–सुरुमा साथीभाइहरू हाँस्थे, गिज्याउँथे । मैलै कहिल्यै पनि कुर्ता सलवरसम्म नलगाएको धोती र टिपिकल पहिरनहरूले गर्दा सबै साथीभाइहरूको हाँसोको पात्र बनेको थिएँ । तर अहिले सबैले मोडलभन्दा पनि भद्रगोलको रक्षा भनेर चिन्दछन् बाटोमा जिस्काउँदा पनि जिग्रीको जस्तै नक्कल पारी–पारी ‘रक्षा’ भन्दा रमाइलो लाग्छ । अहिले भद्रगोलकै कारणले थुप्रै चलचित्रहरूमा पनि अफर आइरहेको छ ।

यस्ता कार्यक्रममा थोरै महिला पात्र मात्र टिक्छन् । तर तपाइँ निरन्तर हुनुहुन्छ । राम्रो पैसा पाएर हो कि ?
होइन । राम्रो टिम भएकोले र काम गर्ने वातावरण राम्रो भएकाले हो । पैसा त कहिले पाइन्छ, कहिले पाइँदैन । तर सन्तुष्टि लिने बाटो छ ।

तपाइँको कामप्रति परिवारजनले के भन्नुहुन्छ ?
सबै खुशी हुनुहुन्छ । मेरो बुबाको धेरै सपोर्ट छ ।

अहिले त भद्रगोल बन्द भइरहेको छ नि किन ?
यसका विभित्र कारणहरू छन् । मलाई खासै केही थाहा छैन । तर यो हप्ताबाट सुचारु हुन्छ भन्ने सुनेको छु ।

कुन–कुन चलचित्रमा काम गर्दै हुनुहुन्छ ?
पाँचभन्दा बढी चलचित्रहरूमा अफर आएको छ । अहिले एउटा रोमान्टिक चलचित्रमा काम गर्ने योजना बनाएको छु । नाम चाहिं अहिले खुलाउन मिल्दैन ।

किन ?
पहिले काम नै पूरा गरौं अनि

तपाइँ चैं कत्तिको रोमान्टिक हुनुहुन्छ ?
छु । रोमान्स र रमाइलो गर्दा नै काम गर्न जोस जाँगर पलाउँछ ।

जीवनमा जिग्री जस्तै माया गर्ने जीवन साथी पाइयोस् भन्ने लाग्छ कि ?
लाग्दैन । बदमास फटाहा जति भने पनि नलाग्ने फटाहासँग कसले जीवन बिताउन सक्छ ।

त्यस्तै केटा तपाइँको जीवनमा आयो भने ?
सायद नआउला । आयो भने बानी परिसक्यो । सक्किगो’ नि ।

तपाइँ कस्तो केटा चाहनुहुन्छ ?
बिजनेशम्यान, जो मेरो कामलाई बुझ्ने र सम्मान गर्ने होस्, सहयोगी होस् । पैसा र माया गर्ने जीवनसाथी भयो भने जीवन सहज हुन्छ ।

 झापा दमककी प्रजिता दङ्गाल आकर्षित लुक्सकी छिन् । हेर्दा सुन्दर उनको बोली उस्तै मिठो छ । पाथिभरा एफएम दमककी आरजे उनी संगीतमा पनि उत्तिकै चासो राख्छिन् । ‘संगीतमा सानैदेखिको रुचिका कारण त्यतापट्टि आकर्षित भएँ’, उनले खुलाउदै भनिन्, ‘तीजलाई समेटेर एउटा गीत समेत ल्याएकी छु ।’ “हिमालकी छोरी मादलु तालमा कम्मरै मर्काउछु...” बोलको गीत अहिले चर्चाको शिखरमा पुगेको छ । जसका कारणले उनले म्युजिक भिडियो समेत तयार गरेकी छिन् । ‘पहिलो गीत ल्याएर आएको छु’, उनले भनिन्, ‘अब चाँडै एल्बमको तयारीमा छु ।’
टंक बुढाथोकीको संगीत र गायिका आफैको स्वरमा रहेको यो गीत पछि उनी दशै तिहारबीचमा अर्को गीतमा समेत अभिनय गर्ने तयारीमा छिन् । विभिन्न गीतमा खेल्नका लागि प्रस्ताव आएको बताउँदै एफएम र व्यवसायका कारण समय दिन नसकेको बताउँछिन् । ‘अब समय मिलाएर अभिनयमा पनि लाग्ने छु’ प्रजिताले मनको कुरा खोल्दै भनिन् ।

 नेपाली नारीहरूको महान चाड, हरितालिका तिज नजिकिएपछि यतिखेर सामाजिक सञ्जालहरूमा यो पर्वको रौनकले छपक्कै छोपिसकेको छ । तिजलाई नै मुख्य लक्ष्य गरेर तयार गरेका तिज सम्बन्धीका म्युजिक भिडियोहरू अहिले बजारमा आउने निकै हतारोमा छन् भने कतिपयले समाजिक सञ्जाल लगायत सञ्चार माध्यमहरूमा समेत तताउन थालिसकेका छन् ।
यसै क्रममा पछिल्लो समयमात्र सांगीतिक क्षेत्रमा प्रवेश गरेकी साहिमा श्रेष्ठ र सन्दिप न्यौपानेको पछिल्लो पटक सामाजिक सञ्जाल युट्युब मा आएको ‘तिज राम्रो रमझमले’ बोलको गितले भने छोटो समयमा नै निकै चर्चा पाएको छ । 

झट्ट हेर्दा लाग्छ गाउँघरमा भन्दा पनि, संगीत बजारमा तिजको रमझमले निकै नै छोइसकेको छ ।
यसै क्रममा, गायिका सहिमा श्रेष्ठलाई पनि तिज पर्वको रौनकले उम्कन नदिएपछि गायक तथा मोडल सन्दिप न्यौपानेलाई लिएर यसवर्षको तिज रामै्रसँग मनाउने धोको रहेको छ सहिमाको । एक वर्ष अगाडिबाट मात्र तिज गीतका सांगीतिक क्षेत्रमा प्रवेश गरेको सहिमाको यो यात्राले यति धेरै दर्शको मन जित्नु उनको अनुपम सफलता पनि हो भन्न सकिन्छ । ‘तिज राम्रो रमझमले’ भन्दै यसवर्षका लागि पहिलो पटक यु–ट्युबमा देखिएका साहिमा र संदिपको यो प्रयासले अहिले निकै तारिफ पाएको छ । तिजमा निकै भड्किला र अर्धनग्न भएका तिजे सांगीतिक कोशेलीहरूका लागि पनि यो गीतले राम्रो सवक सिकाई दिएको छ । यसपालिको तिजमा नेपाली नारीहरूलाई रमाईलो दिन सहिमाले नृत्यविधाको तिज गीत तयार गरेकी हुन्, जसको भिडियो समेत यु–ट्युबमा रिलिज गरिएको छ । आफ्नो नयाँ तिज गीतको म्युजिक भिडियो सार्वजनिक गरेलगत्तै सहिमाले भनेकी छन –‘मलाई विश्वास छ, पक्का पनि हाम्रा नेपाली दिदी–बहिनीहरूलाई यस वर्षको तिजमा रमझम बोलको गितले विगतका पीडाहरूलाई बिर्साएर उत्साहित बनाउने छ ।’ 

सहिमाको यो प्रस्तुतिमा साथ दिएका गायक तथा मोडल न्यौपाने भने पछिल्लो समयमा आएर नेपालीहरूको मौलिक पर्व तिजमा छाउँदै गएको विकृतिलाई चिर्दै आफ्नो मौखिक परम्पराका रक्षाका लागि गतिलो प्रहार पनि हो । यो गीतको भिडियोलाई शिवदर्शन डिजिटलले यु–ट्युबमा सार्वजनिक गरेको हो । मनु सञ्जिवनीको शब्द तथा महेश खड्काको संगीत रहेको यो गितको राजधानीस्थित सिनामंगलमा रहेको विश्रान्ती पार्टी प्यालेसमा छायांकन गरिएको थियो । यो गीतमा स्मृति तिमल्सिनाले कोरियोग्राफी तथा निर्देशन गरेकी हुन् । सहिमा र सन्दिप आफैले कम्मर मर्काएर यस वर्षको तिजलाई निकै स्वागत गरेका छन् । तिज चाडलाई पछिल्लो समयमा आएर सङ्गीत चाडको रुपमा विकसित हुँदै जान थालेपछि अहिले यो पर्वले सङ्गीत क्षेत्रको व्यवसायलाई पनि निकै टेवा पु¥याउन थालेको छ ।